Illa yan uryaz γures yat tfunaset i-tettan ur da ttarew ula da ttezeg . yadjet allig tufa tili aksum , yawit at-nez. Allig ibedda ammas n winna izenzan , ur illi mayed as ittinin c-hal . ddan ak winna issaγen s tinna ittarun d tinna itzgen ma id_m uksum ur lint atig. inna max ad ur iniγ awed nek da- ttarew zenzeγ dduγ g winew. Yawit allig tesuwa sin wattasen n waman , daret urehbiy n wactal, ifeγ adγar amezwaru , yaγul ar i-ttini hat tuwed 5 g tarwa. Iddud yan iran ad iseγ ibyaset bab nes s melyun d uzgen. Ar temwaten allig mesasan i-zenzas . Bu tfunaset isen is isul ad feγen-t thellal nes , ukan mani isikki aqmu nes . yaf yat texbarjiyt s isγar wenna mi izenza ad ur tar itekka ayenna ikka . Llan g ssuk , itsen imeddukal nes imsasa itsen-ad-as γzin ahad’un ( axbu ) i-unna isγan. Ik daras yuwen digsen innas , « irebbi id key ayed yuwin tafunast γur flan ? » innas « iyyih , nek max mayed illan » , innas «hat ttuka-as 80 alf nnig uyenna s- ac i-zenza , hat illa amm-i iswa takwut » . γas ibd’a ites umezwaru han wayed , yammas , innas « id key ad yaγul yuwiy tafunast n Flan? » , innas « nek , max allig id- akk tetfarem » , innas « hat tegrazet ak izenzan , hat dak itnada ad-ak irar idrimen nek , yufa diges ugar » . Imih han bu tfunast amezwaru , yuwet-id , innas « qqen tafunaset hat riγ ad-ak siwleγ imih » irar-as unna isγan innas « ula mayedi tennid ula niγaket , n-mzenza ur iqqimi γaleγ » . innas « key hat yan ufgan irwan aye-d tegid , ur-d yusi mag id-k issuriγ ka udem nes , tafunast hat ur da ttarew ula tenna a-ttar tarew » . innas unna-tt yuwin « sahit , nek hat nik aksum ami tt-riγ , γas ak adjeγ ddiγ g winew iqen-in wahli d abrid » i-nd’ud innas « hat teεmid awa , han ad-i tinid zenziγac s tillas , hidrat a ayt ssuk i sur iri ad-i irar tafunast inew » Iddu g ubrid nes , ar itessa , g unna as izenzan , inna g iγef-nes « iγal is icwa , id ad-i iskened at qileγ ideγ yufa maye-d as i-ttakan ugar inew , iwa hiyya ur ssineγ aεbbud’ n tarwa » . Ideγ –n yuwed ar itganna maye-d ibzzin , ar itganna mayed i-surugen , iqim γas ar yakka utci allig-d iwrerrey useggas , kan mayed itlalan ure-t yanniy . dinnaγ ayed issen is-aset γzan isebbaben.
Yassan Jeudi 17 Mai 2007
Accueil 
