Tamazight urid tin uldag ayed tga !

Imherri Messages : 536 Date d'inscription : 02/08/2007 Localisation : Adrar

Akw ayenna s tegrid iẓri, idurar d id luḍa, asaɣen n ufgan d win udɣar imaynuten amm iqburen. Mer d-nseksiw seg yigenna neɣ ddaw wakal, timmuzɣa n tmazirt-a tga asaddi n iẓinẓer ammas n wass.
Maka tamaziɣt hat ssutmen-tt icenga s tesga. Gran-tt-nn g tizza n uselki d uɣunzu allig naɣul da nettemseqsa graɣ d wulawen-nneɣ is nga ayt da d ayt wassa mid uhu! is nla amur g uyenna igan winneɣ mid uwin-t imekkusa s ifesti g tudert-nneɣ!
Awal-nneɣ ur as-gin ili, asekka-nneɣ ur akw t-udjin ad d-ifafa. Aseɣrem-nneɣ yaɣul ur irwas amezruy-nneɣ.
Isul udabu da iṭeṣsa ɣif Imaziɣen, da asen-ittẓerraḍ aqezzuy ad lhun, irru ar asen-iqqaz aḥaḍun! ig-asen asinag, istiy winna illan ɣef ad nin azuɣrar-nnes ig-asen aɣrud nitni d imeltaɣen n ubrid-nnsen.
Ẓrat da ageddim n tadalsant tanamurt tamaynut isul da ttuzɣad g Ṛbaḍ, meqqar as-gan aza afella, adlis-nnes kksen-t ur ili agir. Meqqar as-gan i tmaziɣt yan neɣ sin wahilen g radyu yuger mayed tt-ireggmen mayed as-issefliden...
Mek da nesɣuyyu assa is nra a nili ammas n iɣrifen ɣur asekka. Mek ran Imaziɣen ad ummun imal ur da ttadduzen adlag asen-ittugan s iberbucen. Mek ran Imaziɣen ad idiren i usekka iqqen-ten-inn ad bbin ikarifen.

Amawal :Asaɣen= noms ,
Aɣunzu= haine , Aseɣrem = civilisation , Adabu = pouvoir , Asinag =
institut , Azuɣrar = train , Aɣruḍ = salaire , Ameltaɣ = adhérent ,
Agir = étagère , Ahil =programme , Aɣrif = peuple
.

» "Unna iran ighf ness, Ats-ed yawey diks"
» Promouvons Tamazirt et Tamazight :
» standardisation de Tamazight
» ASSOCIATION
» aneghmis ameqran: