inker εemmi Ali ikkad agdud n-ulmγenni ibbid abrid γif iγrem n-ihya ousγir igez-d γif tana iďer γifes yiď, asemmiď illa tagerst igat uzemez inna mayd teggaγ, walu γas ad dduγ s-γur umeddakel inew ad γures nseγ. netta isγad yat tdewwart at barked amulana (addiges itetta netta d-warraw nes ared taliy tifawt sal ur-tt fukkan) iwa ikjmen s-γur umddakel nes i-sxiter is , ayeddaγ n tedewwaret igrat ddaw ijellubay d uzennar ;
hat ikjmen allig-d usan , tfeεen-tt iwawal ur iγiy ad ildiy ayeddaγ n-tgensut ad-asen awed turu ates tcin .
imkinnaγ allig da tt-nuddumen xlas ggen, ayeddaγ iffer ddaw-as ika aďu imaccun llan ar tt-naγen d uwidda n tgensut allig-tt-d ssafγen g-ihallasen n εemmi Ali netta isul da izzuxux it'es ur-d yuwiy achal i walu. zik tifawet , tenkerd tmettut ad tesker i imecli tinney εemmi Ali han imaccun durn-as, han idamen han tasa han iserman!! iwa tger tmettut aγuyyi tfeγ ar teqqar i teqbilet "arulat awi ! amdden immutaγ uryaz g-tgemmi!! "allig-d uwďen, isella yasen εemmi Ali , han aqqur han iγuyyan han mayed yallan , inker-d hat yuďer g idamen , mden ar allan yaγul isxef irdel assen ar ggaren ayet uxam tin εda .
ar timenilit g-lamn n-rebbi
Accueil 
