Ikkat-n g umzruy yan uryaz temmut-as temettut t-zeryas-d yat terbat d wahli n icirran . ira mayed as itεawan tudret , inker yales i yiwel. tameṭtuṭ tamaynut γas tgulad tigmmi innas iγef nes anect-a d-irbiben ur nnin ad-i adjen mag tt-aruγ winew . mek as tenna i-uryaz hereḍ arraw nek hat ur-d yusi , tudjaten hat ur djin gin kan uzggal .
Yan was n tefsut teddu ar igran ar tenada g laxbub allig tufa tiglay n tifiγra tasid digsenet yan kraṭ . laẓ d tadersi tezriy s meden ula iga utci n-sen γas kan tiyni taqburet . tasit-d teg tibelεa t-ger tiglay n tifiγra agensu n-sent . allig di tekjem terbat g-igran iwtsed wanzaf d laẓ tafed tibelεa d-uγu afella n tidwilet , urasenet tegi γas yan ulqwem ur feẓẓinet .
Ddud a-yazmez ddun a-yazmez cwiy ar ibezey udis n terbat , bḍinet teglay lalenet tifaγrwin timẓẓanin ar t-xitirnet g udis nes . ca da itemctag agensu nes id afgan uras ikki attayen . yan was g ddan ad gen tenna yas temṭṭuṭ i uryaz awa han illiķ qad aγed t-sseγley lafḍiḥet hat da tt-arew . innas mek iga wawal nem tidet , asekka ur γifes t-γelliy tafuyet g tegemmi new. Tennas iwa asekka terared ẓares taγḍefet tinid mayed ak niγ.yadjet allig tgen irar ẓars taγḍefet han adis nes akw da i ttemeḥrurud .Iγrasen i warraw nes yalemten innasen iwa γas iniyat madigun ayed innan adaγ ikes asennan-a . grat ilan una di taγ yawit ar lexla iγersas-n yaderas n nettu anezwun nes . grin ilan taγed ameẓẓan , isburdu taserdunet innas iwetmas aleham ad nek εari an zdem han tagreset tuwid iγef. Yawit ar ger iberdan g εari innas iwa gwez a utma adam iniγ , hat uzennid adam γerseγ nek hat ur γiyeγ , mec ķem ruriγ hat qad kssen tirruyeza new , neγi herḍen akw awed nek ,dγi mun d ubrid teddud g ufus n unna aγed islulan , is ur tafad kan una kem itasin neγ temut g ca g imula .
Iγres i ugḍiḍ yames idamen nes i ifassen iddud ar yalla i-beṭṭu n utmas. igulud tigemmi nnanas mayed as tegid ? inasen ayena i-tennam ayed as giγ han ifasen inew gan idamen.
netat ar teddu iḍan d wussan alig tt-yufa yan umeksa yawit s axam nes ikas allig tetca alig teswa innas iwa iniyi mayed γifem ikkan . tales-ased amata alig da tal, innas nek hat ur γuri tameṭṭut , mec-i trid hat aķem geγ d tinew ur ķem ittaγ walu ula ixssa-ķem ķa. Tennas waxxa , yawit s imi n targwa iķas ar t-sllem tisent tqqim s fad tanef imi, ķḍun ifaγriwen aman awined assas dzinen aman . igas tameγra ur tekki γures aseggas alig as turew yan ureba tegas Selemdin .
Selemdin iga aṭermun , tennas mma nes anddu add nek γur id xaliķ . ar teddun wahli n wussan aligen uwḍen tama n tegemmi nid xalis tennas asera g daķ kateγ han ķa yallen , γas sγuyyu ari tt-inid kker amma adam εanteγ tigemmi n-id xali . ayennaγ ayed iga ar tedun ar tama n taguret n tegmmi nid xalis ar isγuyyu , fγened ak meden ar as tt-inin max allig da tekkat lεil ķas mayed ira . tenna yasen innayi adam εanteγ tigemmi n-id xali deγi han iḍḍ iḍer han id xalis ur ten nufi . inna yas yemas uret issin aduyad a inejda ad tensem γureγ ar tifawet temdum abrid . hat s-uumeddaz nnun .
Yaliy selemdin d manes tennas adday n mensuw ar tallad diγ tinidi riγ amma ad-i tinid tamacahut .Bahllou d-id xalis n Selemdin ussiren ur yad ķtiyen tfiras n utmatsen, ayenna mensun diγ ar yalla nanas ini yas i lεil tamacahut ira . tena yasen waxa iwa sfledat :
Aselmdin inew a memmi a wenna mi tegra temettut n bba nes tiglay n tifeγra g tiyni , Aselmdin inew a memmi a wenna mi gran ayet mas ilan mayed as iγrsen g umaγa,
Aselmdin inew a memmi a wenna mi i γres xalis i tagḍit g εari ... aselmdin inew... ar tini mayed γifes ikkan allig nekren ar akw allan ssen id utematsen ayed tega . ddun s temeṭṭut n bba nsen ķerfent s sin iguta s iyssan menzaγenet beḍunet g wammas.
Zriγ-tt-nn g tagat aγuleγ-d g talwat !
Ar kwen-kkateγ s ikwnennayen ar i-d-tekkatem s tutliwin.
yarut yassan 14/07/2007
Accueil 
