Aman a Iselman

Ikat-n yan yillel
Diges gudin waman
Ur iεriq wacal
Ig l’hu n islman
Ur illi untal
Ityassen mayed illan
Utci ur illi uhtal
Imzdaγ tcan swan
Imiĥ ar itqmar yillel
Ar tedrasen waman
Ami daten issa wakal
Ddan ures mani kan
Allal yaγul ar irgwel
Ig igelmamen imezzan
Islman am wactal
Ur yad issin wa wan
Ku yan mag-n lal
Ur yad menmalan
Illa grasen wakal
Gin ammi bd’an
Aman ar tesmur dan
Una istin tunγan
Ind’ud yan umqran
Inasen i islman
Γzat una g iγrman
Ad alin wiliγ ikan
igelmamen ad gin yuwen
iselman ad m-yafan
seg siwa ar temsaman
Tunbuktu ar γilizan
ur tenyaman ur tuslkan
abrid aγzzaf ayed ran
sfallan id ayenna di ddan
hat i imezzan g iγrdan
Hat izmawen ayed gan
Urid tik’zmi n yigran
yassan Vendredi 05 Janvier 2007