Tuderet inew ur tenni ad teli algamu
I-tmara d-ibniqen d-ireftilen ad Tecceḍ
Ad temɣur, ad tidir tili uddur amezwaru
Ur teggaɣ am winna , i-ttyarran ɣas s-usuweḍ
Ur utin ur rurin , mḍlen dat ad lalan .
Ad ḳṛmeɣ , ad assaseɣ ad geɣ afgan am wiyaḍ
Tamaziɣt inu , ḳem ayed iran adi ihezza
S afella nna-d nekka , is tgid nil wuddur
An nili , amek nra , qa n-ili,
neɣ ur tar-tt nekki tin wabda .
mek as-tt nniɣ i-umezzan is nra ad yummu
ilili neɣ seg da , a tuderet seg mayed tellid
is-aset qqiseɣ i-uxatar , s-uẓaẓa ad inyuddu
Tidet ayed tennid a-amezruy nneɣ fafad
Att raɛad ilsawen id williɣ imsasan
Mid winneɣ , keyyin ami urrin att gemmad
An nili , amek nra , qa n-ili,
neɣ ur tar-tt nekki tin wabda .
Izgel unna iɣalen id anfeset ur nseɣuyyu
Tagwella ur-tt ngi , ulin Iḍudan neɣ s-kraḍ
Ayennaneɣ ur teddun , ur neẓzuḍer att nettu
Meqqar tennam is tenɣam s ugari d lbarud
Ggudin winna d itlalan , gin s-umata id xuẓuḍ
An nili , amek nra qa n-ili,
neɣ ur tar-tt nekki tin wabda .
yarut yassan
Témara 20/04/2008
Accueil 
