Deffir uya,ikker Kalila iftu gher tgemmi nns .S asekka teddu imma-s n y izm gher memmi-s,tenna-s :
-A y ameqran n idturas,ghura-k ad ttettud ayenna tennid idtgam! Han medden akw tn ssadtfutn awal nnk! Ar ttinin imusnawn :
-" Ur illi d-amdan unzsiz xs wenna itekkurn abda ul nns s ulaqqu d tadtfi ur ittenàarn ula yekka-d tasga i bu timmuksut d umuttl.!"
Llig isella y izm i w awal n imma-s,issundt i wmazan nns ad-d ighr i wghilas;acku netta ayd igan amezzarfu ibettdun timukras ger medden,ar as ittaws àemmi-s n y izm g tenbatd :yan uyrad mi qqarn Mezlalagh (le juste)Asmi-d kecmen ghur s inna-sn:
-Ggawrat g teghmert n unbadt,teghrim-d i yimyuwas inu s umezzan s uxatar ad-d acken ad izsirn ma ylaqqen ad ittug g tenàimalt a n Dimna ,d may da yettini netta xf umuttl nns d isarufn illan ghur s ,taram akw ayennagh deg idlisn n uzerf,d ku-y-ass ttaznat i-d ma yellan! llig isella wghilas d uyrad Mezlalagh awal a ,isawl wa inna-s:
-Nsella nesged Awal n ugellid Ameqran!
Kkren ffghen gin ayenna y asn inna y izm;kkan kratd tsuqqal (l'heure) a nitni ttemdakarn àad ay ed ghran i Dimna ,ssundtn as ad ibedd mnida nsn,xs yiwdt Dimna ansa nns ibdu wmezwar n unmuqqar,-s uzut idusn, awal nns ,inna-s:
-S mas tellam ghghi ,tessnem is isul ugellid ameqran n izmawn da yettumerrat ger-as d iman nns xf Catrabatu nna yengha d netta ygellin ur djin igi ka n umuttl ,tamettant nns ur tt ed yiwi xs tamedjawt d tkerkas n Dimna. Dghi ha y amezzarfu mnid awn ,wenna ghur illa mayd ittini,idrus negh iggut, ifulki negh ur ifulki xf Dimna ad t yini ,yanig xf uyenna ysella d uyenna yannay dat unmuqqar a,mara tafala n uzlullgh(la justice )ad ters g unsa nns,tifessi d uzrab ur zsiln d tguri n umuttl xf imeddukal d-timmuzdert.
Ittdef umezzarfu awal ,inna :
-A middn! Ssfeldat tenzsum ayenna y awn inna wmezwar n unmuqqar,ad ur ttefrem amya seg uyenna tessnem xf umuttl n Dimna Acku ,ar ttinin is llan kradt irefsan izsiln nitni:"Amezwaru digsn ,-d netta akw ay tn yufn;Ad ur tessemzsiym tesswehnem ayenna yga ,acku seg imuttiln imeqranen tinghi n kanyan ur igin amya ,amerhùm Catrabatu igellin ur ittunghi xs théllalt d tmedjawt .D wenna iffren ka fella-s hat ammi y as yiws g umuttl d w anghi .Wis-sin netta ig inna yesyissn bu-wmuttl s umuttl nns,aya yuf as ,acku yezdtar ugellid d imeddukal nns ad as ssurfen.Arfes wis-kradt netta aseàreq d usuggeg n ayt timmuksut iwri-n i medden ,acku bu wmuttl ilaq ad tisinn akw medden af ad mmezgaln d izwarn nns issegrurusn yesserzig tudert nsn..Wenna digun issnen ka xf uzwar n Dimna ad t yini dghi d da mnid imezzurfa d unmuqqar a,acku ar yettuna:
-" Wenna yeffern taggwa (témoignage) n umettin asekka g lixert da y as ittugu g imi ulgamu n w afa"
Llig sellan medden aya ,akwtn festan azsumn awal ,imik inna-sn Dimna:
-Ma ykwn yaghn tfessam! Ini wat ayenna tessnem ,tisinm is ku y awal s gma-s.Ar ttinin imusnawn :
-"Wenna yennan ayenna wr yannay d uyenna wr issin hat da t ittagh uyenna yaghn adtbib nna yennan ayenna wr issin !"
Nnan as ayt unmuqqar :
-Mamk as tejra ?
Ar tayed
Accueil 
