Tenker , tenqleb ar terḍiḍis tudret n umata n temsmunin n-izerfan d-imastan ineγmasen d igratsawen .γas unna isawel ar isγuyyu akarif as ittugan i-garneγmas n hespress .ur uwiden ad zrin krad wussan allig innurzem !
Ar tnadaγ max allig as ittuka wancta n wuddur i Med Rraji ,ur iqqimi unna ur yugimen g tmentilet nes s tutra n wad ifeγ assa dat usekka .
Max allig tt-yamzen s iwudiyen mnaw n imeγnasen n tmentilet tamaziγt datas , ur djin nsella i awed yan g tmesmunin n waɛraben n da ula tin umadal ad ininet , aha ur aγ yadfut uya ula trenet anurzem n-imeγnasen ur iskiren yat ? ur djin ggizen zuned imki nna gan xef Rraji , xef Elmardi , xef Bougrin , xef Filistin d Lɛiraq …s tasuket ad inin bibiw matta uselki-a !! mani wideγ aγ itseddaɛen ku as g telivisiun s iγuyyan nsen xef inekraf n Filistin d Lubnan d win Gwantanamo ? mani ihallalen n Abd Elhamid Amin , Amina Buɛayyach , Khalid Sefyani, Abdellah Elhurrif , ait imira n Lɛadala
Max allig-d asegwas aya tqqima t-qqen nnig imeγnasen imaziγen , ur yad tt-uzrifen ad inin hat ittulsa yaγ uselki afen ad tren azref nsen , ur yad nnurzmen ad inin hat tefra tinsen .
Rraji , iga awed netta amaziγ , maka amaziγ imkinna t-ira udabu d ikabaren isirtiten nes n waɛraben d tametti tuzzifet nes ?
Ka da ittini is iga γas aγrum n ḍaret ugunun , meqqar da iggar izlan , hat illa mayed as ten-d ittinin ḍaret , uḳan mayed yuwin yan ikkan 4 n iyar aya da isawal γas xef tayri d tutmin d fad n n-wuzzuf ad isiwel g iseqsiten imajyal ? ad yikmir unelmad am wa s tzerwin inmalan adabu hat is tid ihuz ka !!
wineγ nekwni , hat uret ikki γaleγ , ur skiret yat ula nnurzmen , wineγ nekwni ur gin winna ittiriren itiɛurba ur tgi tmaziret neγ , wineγ nekwni rwasen akal neγ ur isdermisen ula tfaren ayenna sed ikka uzwu .
Γzan-aγ is ten nuger ayed igan aɛraben , g tmazirt-a
Γzane-aγ is da-ten n-zegwur an bedd g imi n-umuyed n tmiskaniyen skaren i ku tamentilet neγ min-at .
Γzane-aγ is da n-ttega hemzeggur s tafrentin nsen gur-aγ ssummun .
Γzane-aγ is dan n-ttifif s-ikabaren ad asen nek iqariden ig aγ-ten ttren i-tmezyida neγ timesmunin nsen neγ bayt Lqudes neγ Lbusna d mayed izran ka !
Γzane-aγ is nsul unna immgzen iles tebuc n Fes ar isawal s iγef n yiles s taɛrabet i aitmas yiγil id ayennaγ aued igan igma d tametti!!
Γzane-aγ g win tyira seg mayed urta d ngi amgulley zarsen nini iwda nkennu !!!
Accueil 
