G isegwasen n-id 30 d-id 40 n tawusi ( siècle) izrin ar tt-msaqsan medden mimek ran ait usekka , igan nekwni dγi , ad iγiyen ad tcin aγrum idiren. Ar tt-inniyen anemri d-uqmar n tudret g uzmez nsen ar tt-inin awiss mayed ran ad tcinet tsutiwin n-imal (avenir).
Assa , akal n tkerza , aman d itflawen ur yad qqimin imkilliγ , maka laz ur yad iqqimi da izzalla g mdden zuned dilliγ .
S tyira n-isgwassen n-id 70 d-id 80 , ar ttuyalsen iseqsiten nnik nitni , maka tiklet-a xef tsutiwin n warraw neγ ifγen tamazirt mimek teggan ad yad myessin daret wassa. Ku yan mag tin tgra tudret , d mag as yaru ad itec aγrum. Llan winna i-ttinin is sul warraw n yat tmazirt ared da tt-mwaten s-iγrdan ur myassan . Maka hayyaγ nmayassan ur nemyannay , gan inasiwen (claviers) d-igdilen ( écrans ) neγ abrid saγ tt-semnaqqar tagratsa (internet) nsal nusiy anezwum n tmaziγt d tmazirt nneγ meqqar ass nella g-yiwrin .
Mecta g icengan (ennemi) neγ iγal is tsul tmaziγt ad tefsiy agensu n tmazirt tzel tmaggit neγ teddu tameggarut s tsertit n udabu tt isɛarqen g tinmel d umata n tudret neγ , maka 60 n-usegwas aya dart uzarug (indépendance) ahellal d tkendawet asen i-ttuskren i-imaziγen , hat fafaned warraw nes ggalen uret ttasin xes s-afella .
Mecta d- ihellalen mi γalen icenga is isul ad yawed wakud g tt-iγilen medden is gan tidet ! maka meqqar as ixub i-umaziγ ittel-as wadu , isul add imγey yalid wass nes zuned tirgin n yiγed isud uzwu yussan !
Mecta d-izilalen qqen-nn knin a tarwa n-umaziγ atten talim , amadel amezwaru igat ad teγrim , γren warraw nnun igan tasafut s tt-saddan tillas asen gan icenga !
Accueil 
