ANEQQIS N TMESKANIT IZLUZ LMEXZEN G RRBAD

Imherri Messages : 536 Date d'inscription : 02/08/2007 Localisation : Adrar

Tameskanit ikkan assnaṭ dat umni, tesmar g imherḍaden, tiruliwin d uɣunzu n udabu ɣef umata mayed igan amaziɣ.
Imki, seg temrilin timezwura n tdeggwat sfallan iserdasen n udabu ar nn-ttawḍen gelyen ansa n iɣimi. Imeɣnasen sdiddiyen s wagir ur ggwiden zziḍren i treggim d titiwat n udabu allig llan cigan n imeɣnasen itturetsen ugar n 10, ilin winna ittyasin dat ad nnarezmen(4).
Ilin itsen d-yuzen udabu ar ttnadan ad kerfen Mass Adɣirni, ar ttekksen i imeɣnasen imassen s ttasin tiwlafin d id tilifun (ugar n 6), isiriten d icenyal n waẓa.
S tyira, immutter g tesga n umni yan ugulef n imeɣnasen imaziɣen ssekren yat tɣuri g ssemziyen tawuri n lmexzen ar ttettren g umata n tmesmunin n tmazirt neɣ d tin umaḍal ad summlent asemyaf tesskar tenbaṭ i Yimaziɣen g tmazirt-nnsen, tihellal timeqwranin xef umezruy-nneɣ, imkinna ɣran i umata n Imaziɣen ad ummun g tmeskanit n Meknas ass n 18/02 d-iddan.
Tameskanit-a, meqqar ur tuwiḍ ad tur, tezzrey tabrat-nnes i udabu, cigan s umata uɣul n yitsen imeɣnasen ixataren irewlen g tmeskaniyin n Umussu Amaziɣ wahli n iseggwasen aya (llan winna itturetsen digsen), d yitsen inebbaḍen n tmesmunin timaziɣin mi iɣal lmexzen is asent-yuder tin waha!!

YASSAN

Amawal: amni: parlement; tameskanit: manifestation; timrilin: heures; adabu: pouvoir; sdiddey: menacer; asemyaf: ségrégation