Ayenna ddan Imaziγen Imrabţen s zuntagziret (péninsule) n Iberiya ( Espagne ) ad awsen, atgen igeldan aεraben diges itenbaďen; herďen irumin ikkan h'uzen Imunslmen allig ten fett'an . Iqimed yan umγeweγ mi ttinin ait tmazirt nes isbelyuniyen BLAY. Irul s-idurar n temmurt n Ikataliyen rmin att amzen Imazighen nn ind'un seg Tmazgha. Iqqim isxub aďu i waεraben unna mid ifeγ yiniyas ur tt-zerrim yaghen ared tt inegh. Ar tten ikkat yat tikelet s was tayeď s yiď. G luďa imih diγ g laεwari. Imkinnaγ ugar n 400 n useggas asen d ittefegh BLAY ur issin awed yan id amezwaru ayed ur immuten mid id Blay ayed iggudin. Ar tt-inin itsen is isul s asa g leεwari ustiyen g idrus ud'ar dad itfegh !
Ayenna n-kren isbelyuniyen add raren azarug nsen, ar teggan s umata g isaghen nsen BLAY. Da ttalin ar afella n ka n umerdul yujglen ar qaren ur tezerrim .
Iqim BLAY iga yan ugrawlan axatar g umezruy n Sbelyun. Idegh tenker tnaghit ger ait Franco asegwass n 1936 d imennughen nes win Tigduda (républicains), asined imeggura-a g-umezruy nsen awal n Bley ar-as ttenin i Franco d isertasen nes ur tzerrim ( no passado ).Tili yat tewlafet ityassen cigan g illa yan uryaz ibdda dat yan ţeneg g Madrid ad irru tawada s dat ikk ghifes.
Meqqar tyarran iqima wawal-a idder allig immut Franco afin abrid s tenumi d usegmi n Tmazirt nsen .
Nekwni Imaziγen , mecta n-id BLAY ayed γurneγ ikkan g umezruy negh iεreqen d unna d inmalan ?
Max allig ur da nesseflid i-wawal n-iqburen neγ aγed iqqaren ku ass d akw matta wansa ?
Mecta n yan dignegh amid ifeγ Uksel , Dihiya neγ Yugrten g imerdal igwed iγal id bexxu !!
Accueil 
