Asikel g umezruy : 2

Sujet: Asikel g umezruy : 2 Dim 13 Sep 2009, 10:26

Iddeγ nezrey Maggaman, iwrerrey umeḥray γef ukeffas ikk Iγerγer af ad imzaray d imestulen (ijadarmeyyaten) ittililn g ukejjum n Termast. Amata n ayt imekkaluten ittasin medden da asen-ttekkan tasga ad ur asen-kksen lekwayeḍ-nnsen neγ ten-uwin s afuryan ared frun izmaz.
Ggwzen irizen ixataren g ukejjum n iγrem n Tizi n Yimnayen g itsen inurir tama n usdar, idd nek d yat tmeṭṭuṭ tawessart, neqqima neney ar imi n Sidi Σli. Ur nuwiḍ a namm a neggwez allig d-beddan γifneγ winna nn-iggwzen g tizwiri, hat γas aγrad n uḍar n winna iwalfen tiwadiwin tiγwezzafin aya, nitni innumen imerdal d imadliwen llan ṭfaren-aγ-d s yat twada tamḥayellat ammi da ttsaran ! iddeγ rruseγ s akal, uteγ-nn han ayeddaγ lsiγ n ikurbin bbin amsen tarfa s iɛessiren n tfunasin d izgaren g ubrid! meqqar digi igzem uya, nek ilsan akw ayenna γuri iḥlan n iɛbanen d wuγun, ttuγ ayennaγ awiγ-tt γas g icabaren n medden ittemmezruyen γifi ad ur mcackaγ d bba. Ka iggufey, ka iserreḥ , ku yan ammi as-idda ka !
Nekjem s umata akw winna d-iddan g yijyal, nekwni d wiyeḍ d-inin γur Ḥmadi, iγeẓẓ , Ukemmu neγ γur Ucekkuc s γur Sidi Σli illan innumen anecta d-inerzafen ku tifawt n wacur g usasu nes. Nufa-nn aman llan nwan afella n walmessiten (lemjamer) ar ittganna γas mayed as-ittinin snew-d yan uberrad ad ides yili. Amata n winna iqqiman afella n tduba ldin-d g igununen-nnsen aγrum , tiglay tiḥlullac ilin awed winna d-yuwin udi.
Isares-aγed Sidi Σli yan uberrad n uγerf (nneqwert) aqbur, yasey bba ar ittferraγ i irizen idneγ iqqiman , Σeddi Uḥmad seg Leḥrun d Usri n Ayt Yyub n-yuwin awed netta s tγuri memmis Σessu. Aberrad ixater anect n mi, iḍangazen gan isudaden meẓẓiyen, atag iḥla, ar nessa allig ur yad ssineγ cḥal ayed swiγ !
Aseggwas-nnaγ ur izriy ad iγer g tasnawit n Γris g Ayt Tmalut γas nek d Sɛid Uɛssu, netta tella γursen tgemmi g Termast; illa izdeγ yad diges ymas Brahim , idd nek meqqar i-nnan teffeγ-i-d tgensant iqqen-i-nn ad nadaγ nek d mi izeddγen milmi ad nesfal ad dduγ s azedduγ awankan.
Amata g winna d-isawal bba γef uzedduv , teffev-asen-d tmawast n tmesmunt taneslemt n Tizi n Yimnayen (lxiriyya). Kkan Ayt Tmalut yad iqqaren azmez-nnaγ drusen d ku yan mag izdev, awed yan digsen iγefren ka n tḥanut.

Amawal:
Asdar = camping
Acur = dimanche
asasu = café
Tasnawit = collège
Tiduba = tables (tadabut)
Tagensant = internat
Awankan = étatique
Γfer = louer

Anammas Messages : 37 Date d'inscription : 12/11/2008

Zund d tirra degh ayd ad isfafan digngh tayri n tmazirt ,meqqar d tamara d talmsk'int ayd nekka d ag sulen wingh!

thank you for sharing

» Asikel g umezruy :3
» Asikel g umezruy :4
» Asikel g umezruy :1